यवतमाळ येथील सुपुत्र चंद्रेश हितेश सेता याने बनवली अनोखी वेबसाईट
5 लाखांवर भाविकांनी घेतले ऑनलाइन दर्शन
यवतमाळ /जिल्हा प्रतिनिधी
सध्या भारतात सुरू असलेल्या गोष्टींवर अवघ्या जगाची नजर आहे. एक म्हणजे यवतमाळचा दुर्गोत्सव. होय, जगातील 90 पेक्षा जास्त देशातील नागरिकांना यवतमाळच्या दुर्गोत्सवाची भुरळ पडली असून तेथील 5 लाखांपेक्षा अधिक लोक हा उत्सव ऑनलाइन पाहात आहेत.यवतमाळच्याच सुपुत्राने तयार केलेल्या संकेत स्थळामुळे ही गोष्ट शक्य झाली आहे. येथील चंद्रेश हितेश सेता यांनी 1 ऑक्टोबर 2016 रोजी ‘यवतमाळ नवरात्री डॉट कॉम’ हे संकेतस्थळ तयार केले. पहिल्या वर्षी फारसा प्रतिसाद नसला तरी आता नऊ वर्षात या संकेतस्थळाने जगाला यवतमाळच्या प्रेमात पाडले आहे. यंदा तब्बल 90 पेक्षा जास्त देशातून या वेबसाइटवरील यवतमाळच्या नवरात्रोत्सवाला ‘लाइव्ह’ पाहिले जात आहे. महाराष्ट्रात सर्वाधिक म्हणजे, 2 हजार 700 पेक्षा अधिक सार्वजनिक मंडळांची नोंदणी यवतमाळ जिल्ह्यात आहे. एकट्या यवतमाळ शहरासह जिल्ह्यात 3 हजार 700,सार्वजनिक मंडळांकडून हा उत्सव आगळ्यावेगळ्या पद्धतीने साजरा होतो. यवतमाळातील मूर्तिकारांच्या मूर्तिकलेने जिल्ह्याबाहेरच्या मंडळांनाही आकर्षित केले आहे.एकदा ‘आई’चा चेहरा पाहावाच म्हणून दररोज हजारो भाविक यवतमाळ शहरात अनवाणी फिरत देवीचे दर्शन घेतात.
