नांदगाव खंडेश्वर / तालुका प्रतिनिधी
नांदगाव खंडेश्वर तालुक्यात खरीप हंगामातील सततच्या पावसामुळे व अतिवृष्टीमुळे शेतकऱ्यांचे मोठ्या प्रमाणावर नुकसान झाले आहे. शेतकऱ्यांना न्याय मिळावा आणि दिवाळीपूर्वी तातडीची मदत जाहीर व्हावी, या मागणीसाठी आज शेतकऱ्यांनी तहसील कार्यालयावर एल्गार केला.
शेतकऱ्यांच्या वतीने तहसीलदार आणि कृषी अधिकारी यांना निवेदन देण्यात आले. निवेदनात सरसकट ओला दुष्काळ जाहीर करावा, प्रत्येक शेतकऱ्याचे १०० टक्के पंचनामे करून त्यानुसार १०० टक्के नुकसान भरपाई द्यावी, तसेच हेक्टरी ५० हजार रुपयांची मदत देण्यात यावी, अशी ठाम मागणी करण्यात आली.या वेळी माजी. नगराध्यक्ष अक्षय पारसकर, काँग्रेसचे शहराध्यक्ष अमोल धवसे, माजी. सभापती गजानन मारोटकर, लोकेश उडबगले, रितेश जाधव, दीपक पकडे, मनोज राठोड, उमेश पकडे, रमेश उडबगले, निलेश मांडवडे, रमेश मांडवगडे, सुनील उडबगले, नारायणराव गावंडे, प्रमोद मारोटकर, श्याम सुने, अनुरा पकडे, प्रशांत उकरे, ईश्वरदास पोपळे, राजू डकरे, ज्ञानेश्वर उकरे, ओम मारोटकर यांच्यासह मोठ्या संख्येने शेतकरी व काँग्रेस पदाधिकारी उपस्थित होते.शेतकऱ्यांचे म्हणणे आहे की, “आमचे पीक पूर्णपणे पाण्याखाली गेले आहे. कुटुंब चालवण्यास देखील संकट आले असून शासनाने तातडीने मदत जाहीर करावी. अन्यथा अधिक तीव्र आंदोलन छेडले जाईल.”तहसीलदारांनी निवेदन स्वीकारून शासनाकडे मागणी पोहोचविण्याचे आश्वासन दिले.
