नांदगाव खंडेश्वर /तालुका प्रतिनिधी
माऊली चोर येथे पूर्व माध्यमिक शाळेमध्ये ग्रामपंचायत आणि शहीद भगतसिंग वाचनालयाच्या वतीने देशाचे दिवंगत राष्ट्रपती डॉक्टर एपीजे अब्दुल कलाम साहेब यांचा जन्मदिवस वाचन प्रेरणा दिवस म्हणून संपन्न झाला.त्याचप्रमाणे जागतिक हात धुवा दिवस हा सुद्धा यावेळी साजरा करण्यात आला त्यावेळी सर्वप्रथम डॉक्टर एपीजे अब्दुल कलाम यांच्या प्रतिमेचे पूजन करून हारर्पन करण्यात आले त्याचप्रमाणे कार्यक्रमाचे अध्यक्ष उपसरपंच राजेंद्र सरोदे सरपंच सौ. संगीताताई झंजाट ग्रामपंचायत अधिकारी अरुण रायबोले ग्रामपंचायत सदस्य अरविंद गाडेकर शाळेचे शिक्षक वृंद अंगणवाडी सेविका पालक वर्ग उपस्थित होता त्यामध्ये स्वच्छता राखणे म्हणजे आपलं आरोग्य शाबूत ठेवणे असा हा संदेश दिला व वाचन प्रेरणा दिनानिमित्ताने शिक्षणाचे महत्त्व व वाचनाचे महत्त्व यावेळी विद्यार्थ्यांना पटवून देण्यात आले वाचनामधून बौद्धिक विकास होतो हे सुद्धा यावेळी सांगण्यात आले.

त्याचप्रमाणे विद्यार्थ्यांना यावेळी पुस्तकाचे वाचन करण्यास साहित्य कथा कादंबऱ्या इत्यादी ग्रंथ वाचण्याकरता देण्यात आली कार्यक्रमाचे नियोजन शाळेतील विद्यार्थ्यांनी व शिक्षकांनी केले त्यावेळी प्रास्ताविक श्री.मोपारी सर यांनी केले संचालन शाळेची विद्यार्थीनी कुमारी समृद्धी खारोडे हिने केले त्याचप्रमाणे कार्यक्रमाकरिता रवींद्र भिसे सौ .अर्चना जाधव प्रीती दाते यांनी हा कार्यक्रम यशस्वीरित्या पार पडला त्याबद्दल ग्रामपंचायतच्या वतीने सर्वांचे आभार मानण्यात आले.
