१६,३०० रुपयांचा मुद्देमाल जप्त
धामणगाव रेल्वे/ तालुका प्रतिनिधी
धामणगाव रेल्वे तालुक्यातील मंगरूळ दस्तगीर पोलिस ठाण्याच्या हद्दीत घडलेल्या मोबाईल चोरीप्रकरणी एकाला अटक करण्यात स्थानिक गुन्हे शाखेला यश आले आहे.
आरोपीचे नाव योगेश किसनराव बमनोटे (वय २७ वर्षे, रा. निंबोरा बोडखा, ता. मंगरूळ दस्तगीर) असून सदर आरोपीने अज्ञात इसमाच्या खिशातून एक मोबाईल फोन व रोख ५०,००० रुपये असा ऐवज चोरी केल्याची फिर्याद पोलीस स्टेशन मंगरूळ दस्तगीर येथे दाखल करण्यात आली होती. या प्रकरणी अप.क्र. २१२/२०२५, कलम ३०५ भादंवि अंतर्गत गुन्हा नोंदवण्यात आला होता.स्थानिक गुन्हे शाखेकडून सदर प्रकरणाचा तपास सुरू असताना गोपनीय माहितीच्या आधारे आरोपीला ताब्यात घेण्यात आले. चौकशीदरम्यान त्याने गुन्ह्याची कबुली दिली. त्याच्याकडून चोरीस गेलेला मोबाईल (किंमत अंदाजे ₹११,२००/-) आणि रोख ₹५,१००/- असा एकूण ₹१६,३००/- चा मुद्देमाल जप्त करण्यात आला आहे.नमूद आरोपीस पुढील कायदेशीर कार्यवाहीसाठी पोलीस स्टेशन मंगरूळ दस्तगीर यांच्या ताब्यात देण्यात आले आहे.ही कारवाई पोलीस अधीक्षक अमरावती ग्रामीण श्री. विशाल आनंद,अपर पोलीस अधीक्षक श्री.पंकज कुमावत,यांच्या मार्गदर्शनात, किरण वानखडे, पोलीस निरीक्षक, स्थानिक गुन्हे शाखा, अमरावती ग्रामीण यांच्या नेतृत्वात पोउपनि मुलचंद भांबुरकर व अंमलदार अमोल देशमुख, मंगेश लकडे, दिनेश कनोजिया,सचिन मसांगे आणि चालक प्रज्वल राऊत यांनी केली.
