शासनाच्या निष्क्रियतेचा तीव्र निषेध – कार्यकर्त्यांनी खाल्ली शिदोरी, दिला इशारा : “आता लढा निर्णायक असेल”
अचलपूर /फिरोज खान
राज्यातील शेतकरी सध्या आर्थिक संकटाच्या भोवऱ्यात अडकले आहेत. पिकांचे झालेले मोठ्या प्रमाणावर नुकसान, वाढती कर्जबाजारी परिस्थिती आणि बाजारातील दरघट यामुळे शेतकऱ्यांच्या आयुष्यात सणाऐवजी काळोख पसरला आहे. दिवाळीसारख्या आनंदाच्या सणातही शेतकऱ्यांच्या घरात अंधार असल्याने, महाराष्ट्र शासनाच्या निष्क्रिय आणि असंवेदनशील भूमिकेविरोधात अचलपूर तालुका काँग्रेस कमिटीच्या वतीने तहसील कार्यालयासमोर “शेतकऱ्यांची काळी दिवाळी” या आंदोलनाचे आयोजन करण्यात आले.या आंदोलनाचे नेतृत्व जिल्हा काँग्रेस कमिटीचे अध्यक्ष बबलू देशमुख यांनी केले. आंदोलनात उपस्थित काँग्रेस कार्यकर्त्यांनी आणि शेतकऱ्यांनी प्रतीकात्मक पद्धतीने “शिदोरी”
—
झुणका भाकर खाऊन शासनाच्या नाकर्तेपणाविरोधात आपला संताप व्यक्त केला. या कृतीतून शेतकऱ्यांच्या जगण्यातील कडवट वास्तव अधोरेखित झाले — ज्यावेळी शहरांमध्ये लोक दिवाळीचा उत्सव साजरा करत होते, त्याच वेळी शेतकरी आपल्या उदरनिर्वाहासाठी संघर्ष करत होता. “शेतकऱ्यांच्या अंगणात सणाऐवजी अंधार आहे, त्यांच्या चेहऱ्यावर आनंद नाही तर चिंता आहे. राज्य सरकारने शेतकऱ्यांसाठी कोणतीही ठोस मदत, कर्जमाफी किंवा दिलासा योजना जाहीर केलेली नाही, हे अत्यंत दुर्दैवी आहे.”त्यांनी पुढे इशारा दिला की आंदोलनादरम्यान उपस्थित कार्यकर्त्यांनी “शेतकरी वाचवा”, “कर्जमाफी द्या”, “शासन जागे हो” अशा घोषणा देत निषेध व्यक्त केला.या आंदोलनात जिल्हा, तालुका आणि शहर काँग्रेसचे पदाधिकारी, कार्यकर्ते आणि शेतकरी मोठ्या संख्येने उपस्थित होते. या प्रसंगी प्रमुख उपस्थितीतमाजी जिल्हा सदस्य वासंती मांगरोळे,महिला तालुका अध्यक्षा अश्विनी पेटकर,तालुका अध्यक्ष नामदेव तनपुरे,शहराध्यक्ष श्रीकांत झोडपे,उपसभापती अमोल चिमोटे,देवेंद्र पेटकर, श्रीधर काळे, राहुल गाठे, सचिदानंद बेलसरे,
दिनेश वानखडे, अमोल बोरेकर, सईद मौलाना, कैलास आवारे, राजेश काळे, रवींद्र हरणे, नितेश दाभाडे, गजानन टापरे, प्रशांत गोरले, श्रीकांत अपाले, हबीब खा पठाण, ममराज कडू, नितीन खालोकार, गणेश बेलसरे, राजीव कळमकर, अशोक दाणे, प्रमोद कांबळे, विनायक चौधरी, विजय बेलसरे, नितीन बोन्डे, जय घोरे, आगाभाई, देवेंद्र ठाकरे, संजय शेटे, बाबा बुंदेले, नईमभाई, रवी शुक्ला, अज्ञेश पेटकर, अजीज पटेल, महेरुल्लाभाई, अहमदभाई, कदीर पेहलवान आदींचा सहभाग उल्लेखनीय होता.काँग्रेसच्या या आंदोलनाने तहसील परिसरात मोठी गर्दी उसळली होती. वातावरणात रोष आणि शेतकऱ्यांच्या दुःखाची हाक दोन्ही दुमदुमत होती. आंदोलनाच्या शेवटी जिल्हाध्यक्ष बबलू देशमुख यांनी सांगितले की,“शेतकऱ्यांना दिवाळीचा आनंद नव्हे तर न्याय हवा आहे. तोपर्यंत काँग्रेसचा संघर्ष सुरूच राहील.”
