तात्काळ उपाययोजना करण्याची मागणी
चांदूर रेल्वे /तालुका प्रतिनिधी
तालुक्यातील ग्रामीण रुग्णालय, चांदूर रेल्वे येथे रुग्णसेवेसाठी आवश्यक असलेल्या जीवनावश्यक औषधांचा गंभीर तुटवडा निर्माण झाला आहे. यामुळे रुग्ण व त्यांच्या नातेवाईकांना प्रचंड गैरसोयीला सामोरे जावे लागत आहे.ग्रामीण भागातील नागरिकांसाठी हे रुग्णालय अत्यंत महत्त्वाचे असून, BP च्या गोळ्या, खोकल्याची औषधे, लहान बालकांसाठी आवश्यक औषधे इत्यादी मूलभूत औषधांचा पुरवठा उपलब्ध नसल्याने नाराजी व्यक्त होत आहे. रुग्णालयावर येणाऱ्या शेकडो रुग्णांचे हाल होत असून, त्यांना खासगी वैद्यकीय दुकानांतून जास्त दराने औषधे खरेदी करावी लागत आहेत.या गंभीर प्रश्नाची दखल घेऊन तात्काळ आवश्यक औषधसाठा उपलब्ध करून द्यावा, अशी मागणी जनतेतून होत असून, संबंधित अधिकाऱ्यांनी लवकरात लवकर उपाययोजना करावी, अशी आग्रही विनंती करण्यात आली आहे.
