अमरावती/ जिल्हा प्रतिनिधी
पल्लवी यादगिरे वैद्य व सुचिता बर्वे यांच्या संकल्पनेतून तयार झालेला भुलाबाई उत्सव २०२५ मोठ्या उत्साहात आणि पारंपरिक वातावरणात साजरा करण्यात आला. पारंपरिक वेशभूषा, पारंपरिक गाणी आणि विविध सांस्कृतिक सादरीकरणांनी संपूर्ण हॉल दुमदुमला. वयाचे भान न ठेवता विविध वेशभूषेत सजलेल्या महिलांनी भुलाबाईच्या गाण्यांवर ताल धरत वातावरण अगदी रंगतदार केले.
या कार्यक्रमाचे विशेष आकर्षण ठरले भुलाबाई बाहुलीच्या गाण्यावर आधारित स्पर्धा. महिलांनी आपल्या कल्पकतेचा आणि सांस्कृतिक अभिव्यक्तीचा सुंदर संगम सादर केला. विविध वेशभूषा, हास्य-विनोद, नृत्य आणि पारंपरिक चाली यामुळे प्रेक्षक मंत्रमुग्ध झाले.कार्यक्रमात उत्तेजनार्थ बक्षीस ग्रुप मुक्ताई ग्रुप आणि एकता ग्रुप यांनी पटकावले.सर्व तिसरा क्रमांक संस्कृती सूरमंडळ ग्रुप यांना मिळाला., शिवस्वर ग्रुपने द्वितीय स्थान मिळवले.
आणि , सर्वात महत्त्वाचे आणि आकर्षक सादरीकरण ठरले योगा ग्रुपचे जो ग्रुप वरून येथून आला होता .त्यांच्या सादरीकरणाने संपूर्ण हॉल थक्क झाला. या ग्रुपने पहिला क्रमांक पटकावत सर्वांची मने जिंकली. कार्यक्रमाला प्रमुख अतिथी म्हणून विद्यमान आमदार मा सुलभाताई खोडके, शिक्षक संघर्ष संघटनेच्या संगीता शिंदे ,जिजाऊ ब्रिकेश राष्ट्रीय संघटक मनालीताई तायडे ,काँग्रेस महिला शहर अध्यक्ष जयश्रीताई वानखडे, एडवोकेट छाया मिश्रा यांची उपस्थिती होती.स्पर्धेचे परीक्षण सुधीर केणे व डॉक्टर नयना दापूरकर यांनी केले. याप्रसंगी सुधीर केने लिखित भुलाबाई ची गाणी या पुस्तकाचे प्रकाशनही करण्यात आले.कार्यक्रमात उपस्थित प्रत्येकाने बालपणाचे ते निष्पाप क्षण पुन्हा अनुभवले. हसरा चेहरा, रंगीबेरंगी वेशभूषा, आणि पारंपरिक गाणी यामुळे भुलाबाई उत्सव २०२५ हा खऱ्या अर्थाने आनंद, ऐक्य आणि संस्कृतीचा उत्सव ठरला.या स्पर्धेच्या यशस्वीतेसाठी संगीतसूर्य केशराव भोसले राष्ट्रीय सांस्कृतिक परिषद, स्मृतिगंध, पालवी फाउंडेशन, स्त्री संवेदना मंच ,रंगलीला ,साज व अनुर फ्रेंड ग्रुप यांनी सहकार्य केले.
