दुर्वाचा होतो धार्मिक कार्यात उपयोग
कारणासह औषधी निर्मितीमध्ये होवू लागला आहे.
नांदगाव खंडेश्वर/उत्तम ब्राम्हणवाडे
निसर्ग संपन्न असलेल्या नांदगाव खंडेश्वर तालुक्यात पावसाळ्यात अनेक प्रकारच्या दुर्मीळ वनौषधी, फळे, वेली, भाजीपाला निसर्गतः उगवत असून, हे सर्व जिन्नस आरोग्यदृष्ट्या उपयुक्त मानले जातात. अशातच सध्या सुरू असलेल्या गणेशोत्सवात वापरण्यात येणाऱ्या बहुआयामी दुर्वाच्या पूजेसाठी मागणी वाढली आहे.दुर्वा उत्तम औषधी गुणांनी उपयुक्त आहेत. त्याचा उपयोग धार्मिक कार्य आणि औषध निर्मितीत होऊ लागला आहे. घरगुती औषध म्हणून दुर्वाचा अधिक उपयोग केला जातो.
धार्मिकतेबरोबर आरोग्यदायी फायदे
गणेश स्थापनेलाही दुर्वा वाहण्याची मोठी परंपरा आहे. प्रत्यक्षात ती धार्मिक उपयोगापुरतीच नाही, तर ती एक औषधी वनस्पती आहे.धार्मिक विधीत वापरल्या जाणाऱ्या वनस्पती या औषधी गुणांनी युक्त आहेत. मात्र, काळाच्या ओघात त्याचा औषधी उपयोग मागे पडून धार्मिक विधीपुरते त्याचे महत्त्व मानले जाते.
कशासाठी होतो वापर?
जखमेतून रक्त गळत असल्यास तत्काळ दुर्वाचा रस प्यायल्यास रक्तस्राव थांबतो. पुरळ, खाज अन् घामतोडसाठी त्वचेवर दुर्वाचा रस लावल्यास आराम मिळतो.ताप आल्यास दुर्वाचा रस साखरेसोबत घ्यावा, मूत्रदाहासाठी दुर्वाचा रस साखरेसोबत घेतल्यास उपयुक्त ठरते. दुर्वा वाटून जखमेवर लावल्यास रक्त थांबून जखम भरण्यास मदत होते.
औषधी घटक आणि उपयुक्तता क्लोरोफील – शरीर शुद्धीसाठी
फ्लाव्होनॉइडस अँटी ऑक्सिडंट, त्वचेसाठी फायदेशी
टॅनिन्स – जखमा भरून काढणारे
ग्लायकोसाइडस हृदयक्रियेसाठी हितकारक
अमिनो अॅसिड पेशींच्या दुरुस्तीसाठी
दुर्वा या उर्ध्वगरक्तपित्त गुणासाठी ओळखल्या जातात. त्यामुळे काही आयुर्वेदिक औषधींची निर्मिती दुर्वांच्या आधारे केली जात आहे. गणेशोत्सवात दुर्वांना मोठे महत्त्व आहे.
